ಮಹೀಂದ್ರಾ ಸಾರಥಿ ಅಭಿಯಾನ 2025-26

ಭಾರತದ ಪ್ರಮುಖ ವಾಹನ ತಯಾರಕ ಸಂಸ್ಥೆಯಾದ ಮಹೀಂದ್ರಾ & ಮಹೀಂದ್ರಾ ಲಿಮಿಟೆಡ್, ದೇಶದ ಸರಕು ಸಾಗಣೆಯ ಬೆನ್ನೆಲುಬಾಗಿರುವ ಟ್ರಕ್ ಚಾಲಕರ ಕುಟುಂಬಗಳಿಗೆ ಸಿಹಿ ಸುದ್ದಿಯೊಂದನ್ನು ನೀಡಿದೆ. ಟ್ರಕ್ ಚಾಲಕರ ಹೆಣ್ಣುಮಕ್ಕಳ ಉನ್ನತ ಶಿಕ್ಷಣಕ್ಕಾಗಿ ಮಹೀಂದ್ರಾ ಸಾರಥಿ ಅಭಿಯಾನ 2025-26 (Mahindra Saarthi Abhiyaan) ಯೋಜನೆಯನ್ನು ಜಾರಿಗೊಳಿಸಿದ್ದು, ಅರ್ಹ ವಿದ್ಯಾರ್ಥಿನಿಯರಿಗೆ ₹10,000 ಆರ್ಥಿಕ ನೆರವು ಸಿಗಲಿದೆ.

ನೀವು ಲಾರಿ ಅಥವಾ ಟ್ರಕ್ ಚಾಲಕರ ಮಗಳಾಗಿದ್ದರೆ ಅಥವಾ ನಿಮ್ಮ ಪರಿಚಯದಲ್ಲಿ ಅಂತಹವರಿದ್ದರೆ, ಕೂಡಲೇ ಈ ಮಾಹಿತಿಯನ್ನು ಅವರಿಗೆ ತಲುಪಿಸಿ. ಏಕೆಂದರೆ ಅರ್ಜಿ ಸಲ್ಲಿಸಲು ಜನವರಿ 26, 2026 ಕೊನೆಯ ದಿನಾಂಕವಾಗಿದೆ.

ಏನಿದು ಮಹೀಂದ್ರಾ ಸಾರಥಿ ಅಭಿಯಾನ 2025-26?

ಆರ್ಥಿಕ ಸಂಕಷ್ಟದ ಕಾರಣದಿಂದ ಅನೇಕ ಟ್ರಕ್ ಚಾಲಕರ ಹೆಣ್ಣುಮಕ್ಕಳು ಶಿಕ್ಷಣವನ್ನು ಅರ್ಧಕ್ಕೆ ನಿಲ್ಲಿಸುವ ಪರಿಸ್ಥಿತಿ ಇದೆ. ಇದನ್ನು ತಡೆಯುವ ಉದ್ದೇಶದಿಂದ ಮಹೀಂದ್ರಾ ಗ್ರೂಪ್ ಮಹೀಂದ್ರಾ ಸಾರಥಿ ಅಭಿಯಾನ 2025-26 ಯೋಜನೆಯನ್ನು ರೂಪಿಸಿದೆ. 10ನೇ ತರಗತಿಯ ನಂತರ ವಿದ್ಯಾಭ್ಯಾಸ ಮುಂದುವರಿಸುತ್ತಿರುವ ಹೆಣ್ಣುಮಕ್ಕಳಿಗೆ ಈ ಯೋಜನೆಯಡಿ ನೇರ ಹಣಕಾಸಿನ ಬೆಂಬಲ ನೀಡಲಾಗುತ್ತದೆ.

ಅರ್ಹತಾ ಮಾನದಂಡಗಳು (Eligibility Criteria)

ಮಹೀಂದ್ರಾ ಸಾರಥಿ ಅಭಿಯಾನ 2025-26 ಕ್ಕೆ ಅರ್ಜಿ ಸಲ್ಲಿಸಲು ಈ ಕೆಳಗಿನ ಅರ್ಹತೆಗಳು ಕಡ್ಡಾಯ:

1. ಪೋಷಕರ ವೃತ್ತಿ: ಅರ್ಜಿದಾರರು ಕಡ್ಡಾಯವಾಗಿ ಟ್ರಕ್ ಚಾಲಕರ (Truck Drivers) ಹೆಣ್ಣುಮಕ್ಕಳಾಗಿರಬೇಕು. ಪೋಷಕರು ಲಘು ಅಥವಾ ಭಾರಿ ವಾಣಿಜ್ಯ ವಾಹನ (LCV/HCV) ಚಾಲನಾ ಪರವಾನಗಿ ಹೊಂದಿರಬೇಕು.
2. ಶಿಕ್ಷಣ: ಪ್ರಸ್ತುತ 11ನೇ ತರಗತಿ, 12ನೇ ತರಗತಿ, ಐಟಿಐ (ITI), ಡಿಪ್ಲೊಮಾ, ಪಾಲಿಟೆಕ್ನಿಕ್, ಪದವಿ (Degree) ಅಥವಾ ಸ್ನಾತಕೋತ್ತರ ಪದವಿ (PG) ಓದುತ್ತಿರುವ ವಿದ್ಯಾರ್ಥಿನಿಯರು ಅರ್ಹರು.
3. ಅರ್ಜಿದಾರರು: ಈ ಯೋಜನೆಯು ಕೇವಲ ಹೆಣ್ಣುಮಕ್ಕಳಿಗೆ (Girl Students Only) ಮಾತ್ರ ಮೀಸಲಾಗಿದೆ.
4. ವ್ಯಾಪ್ತಿ: ಕರ್ನಾಟಕ ಸೇರಿದಂತೆ ಭಾರತದಾದ್ಯಂತ ಇರುವ ವಿದ್ಯಾರ್ಥಿನಿಯರು ಅರ್ಜಿ ಸಲ್ಲಿಸಬಹುದು.
   • (ಗಮನಿಸಿ: ಮಹೀಂದ್ರಾ ಕಂಪನಿ ಮತ್ತು ಬಡ್ಡಿ4ಸ್ಟಡಿ ಉದ್ಯೋಗಿಗಳ ಮಕ್ಕಳು ಇದಕ್ಕೆ ಅರ್ಹರಲ್ಲ).

ವಿದ್ಯಾರ್ಥಿವೇತನದ ಲಾಭಗಳು (Scholarship Benefits)

ಈ ಯೋಜನೆಯಡಿ ಆಯ್ಕೆಯಾದ ಪ್ರತಿಯೊಬ್ಬ ವಿದ್ಯಾರ್ಥಿನಿಗೆ ₹10,000 (ಹತ್ತು ಸಾವಿರ ರೂಪಾಯಿ) ಸ್ಕಾಲರ್‌ಶಿಪ್ ಮೊತ್ತವನ್ನು ನೀಡಲಾಗುತ್ತದೆ. ಇದನ್ನು ಬೋಧನಾ ಶುಲ್ಕ, ಪುಸ್ತಕಗಳು, ಹಾಸ್ಟೆಲ್ ಖರ್ಚು ಅಥವಾ ಇತರ ಶೈಕ್ಷಣಿಕ ಅಗತ್ಯಗಳಿಗೆ ಬಳಸಿಕೊಳ್ಳಬಹುದು.

ಅಗತ್ಯವಿರುವ ದಾಖಲೆಗಳು (Documents Required)

ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ ಹತ್ತಿರವಿರುವುದರಿಂದ, ಈ ಕೂಡಲೇ ಕೆಳಗಿನ ದಾಖಲೆಗಳನ್ನು ಸ್ಕ್ಯಾನ್ ಮಾಡಿ ಇಟ್ಟುಕೊಳ್ಳಿ:

• ವಿದ್ಯಾರ್ಥಿನಿಯ ಪಾಸ್‌ಪೋರ್ಟ್ ಅಳತೆಯ ಫೋಟೋ.
• ಪೋಷಕರ ಡ್ರೈವಿಂಗ್ ಲೈಸೆನ್ಸ್ (Commercial Driving License): ಇದು ಅತ್ಯಂತ ಪ್ರಮುಖ ದಾಖಲೆ.
• ಪ್ರಸ್ತುತ ಸಾಲಿನ ಪ್ರವೇಶಾತಿ ದಾಖಲೆ (Admission Letter / ID Card).
• ಹಿಂದಿನ ವರ್ಷದ ಅಂಕಪಟ್ಟಿ (Previous Year Marks Card).
• 10ನೇ ತರಗತಿಯ ಅಂಕಪಟ್ಟಿ.
• ಗುರುತಿನ ಚೀಟಿ (ಆಧಾರ್ ಕಾರ್ಡ್, ರೇಷನ್ ಕಾರ್ಡ್ ಇತ್ಯಾದಿ).
• ಬ್ಯಾಂಕ್ ಪಾಸ್‌ಬುಕ್ (ವಿದ್ಯಾರ್ಥಿನಿಯ ಹೆಸರಿನಲ್ಲಿ).

ಅರ್ಜಿ ಸಲ್ಲಿಸುವುದು ಹೇಗೆ? (Application Process)

ವಿದ್ಯಾರ್ಥಿನಿಯರು Buddy4Study ಪೋರ್ಟಲ್ ಮೂಲಕ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬೇಕು.

1. Buddy4Study ವೆಬ್‌ಸೈಟ್‌ಗೆ ಹೋಗಿ.
2. ಅಲ್ಲಿ “ಮಹೀಂದ್ರಾ ಸಾರಥಿ ಅಭಿಯಾನ 2025-26” ಎಂದು ಸರ್ಚ್ ಮಾಡಿ.
3. ‘Apply Now’ ಬಟನ್ ಕ್ಲಿಕ್ ಮಾಡಿ ಲಾಗಿನ್ ಆಗಿ.
4. ಅರ್ಜಿ ಫಾರ್ಮ್‌ನಲ್ಲಿ ವೈಯಕ್ತಿಕ ಮತ್ತು ಶೈಕ್ಷಣಿಕ ವಿವರಗಳನ್ನು ಭರ್ತಿ ಮಾಡಿ.
5. ಪೋಷಕರ ಡ್ರೈವಿಂಗ್ ಲೈಸೆನ್ಸ್ ಸೇರಿದಂತೆ ಎಲ್ಲಾ ದಾಖಲೆ ಅಪ್‌ಲೋಡ್ ಮಾಡಿ.
6. ಮಾಹಿತಿ ಪರಿಶೀಲಿಸಿ ‘Submit‘ ಕೊಡಿ.

ಪ್ರಮುಖ ದಿನಾಂಕ

ವಿವರ	ಮಾಹಿತಿ
ಸ್ಕಾಲರ್‌ಶಿಪ್ ಹೆಸರು	ಮಹೀಂದ್ರಾ ಸಾರಥಿ ಅಭಿಯಾನ
ಕೊನೆಯ ದಿನಾಂಕ	26 ಜನವರಿ 2026
ಮೊತ್ತ	₹10,000

ಸಮಯ ತುಂಬಾ ಕಡಿಮೆ ಇದೆ. ಇಂದೇ ಅರ್ಜಿ ಸಲ್ಲಿಸಿ ಮತ್ತು ಈ ಮಾಹಿತಿಯನ್ನು ವಾಟ್ಸಾಪ್ ಗ್ರೂಪ್‌ಗಳಲ್ಲಿ ಹಂಚಿಕೊಳ್ಳುವ ಮೂಲಕ ಟ್ರಕ್ ಚಾಲಕರ ಕುಟುಂಬಗಳಿಗೆ ಸಹಾಯ ಮಾಡಿ.

ಇದನ್ನು ಓದಿ

ಕೈಂಡ್ ಸರ್ಕಲ್ ಮೆರಿಟೋರಿಯಸ್ ಸ್ಕಾಲರ್‌ಶಿಪ್ 2025-26: ₹6,000